婆婆，你好勁！

半夜兩三點，婆婆摸我手手同額頭發覺好熱，原來我又發燒，婆婆即刻同我抺身，好彩朝早再探熱就已經退咗燒。不過到下午四點幾又再燒到38度幾，所以婆婆即刻帶我去睇醫生，醫生話我可能感冒。不過媽媽返嚟無俾我食退燒藥，剩係同我抺身和俾我飲水，出奇地我又退咗燒，爸爸話我可能太攰，希望真係快d無事就好喇，因為我唔鍾意食藥。不過我都要讚婆婆，因為佢經常半夜起身都會摸摸我d手手腳腳睇吓我有無唔舒服。婆婆，你真係勁！