我要閉關一個月

妹妹有濕疹嘅原因最主要係受天氣影響，太熱唔得、太凍唔得、太乾燥唔得......特別係依家咁熱嘅日子，外出時經常會“過冷河”，令病情惡化，所以每逢星期六、日出完街後都要用類固醇藥膏。今日去睇皮膚科專科，佢話如果真係要佢好番好多至少一個月唔可以出街，其實我哋平日已經唔比佢出街同落公園玩，係屋企全天候24小時冷氣侍候，不過佢嘅皮膚真係好好多，依家重要最少一個月唔可以出街，我都唔知點好？