新工人

令我困擾咗好耐嘅事今日終於要面對喇，就係新工人要嚟喇。由開始選擇要換工人個一刻，我一直都好擔心唔知妹妹肯唔肯跟佢，唔知佢對妹妹好唔好......好多好擔心嘅問題都困擾著我。直至今日我帶妹妹返婆婆到，妹妹一見到個新工人都好似唔係好抗拒，最多都係工人同佢講嘢佢唔睬佢，但最出乎意料之外嘅係我幫妹妹沖完涼著完衫後，我問佢姐姐抱你落床好唔好，妹妹竟然話好，我心諗唔係掛？？你知妹妹唔係個個都可以抱佢。然後我再問姐姐餵你食飯好唔好，佢竟然點頭話好，真係差d嚇親我，呢個工人究竟有乜嘢辦法可以令妹妹第一次見佢就肯跟佢，真係身邊人十個有九個都做唔到。不過無論點都好，起碼妹妹都肯跟佢，希望佢之後真係可以好似前工人咁好錫妹妹就好la