兩大"優點"

日又瞓夜又瞓，天氣咁凍又真係幾好瞓，我今日同媽媽又一齊瞓到12點先起身，不過我比媽媽叻，因為媽媽要爸爸鏟佢先肯起身。之後我哋就一齊去咗美孚〝嶺南之風〞到玩，雖然好凍，但係我哋玩得好開心啊！跟著爸爸話我夠鐘飲奶，於是我哋就離開公園到M記飲奶，但係我唔肯飲仲比爸爸打打，好慘慘！最好我都只係飲咗兩安奶，爸爸仲話以後係咁就唔帶我去街街，放低我係婆婆到。爸爸我以後都唔敢喇！到咗夜晚，我又掛住瞓覺，過晒飲奶時間，於是媽媽又吵醒我飲，我梗係死都唔肯，最後梗係我大獲全勝，多 謝！多謝！爸爸仲話我有晒佢哋兩個優點，就係爸爸唔死食同媽媽要成日瞓覺嘅優點囉！