多災多難

由於昨晚我唔肯飲奶，所以今早零晨4點咪要起身飲奶，凍冰冰，搞到媽咪嗌晒救命，而爸爸就瞓到死豬咁，完全唔知發生咩事。最慘係，我飲完奶仲要痾埋屎，你知啦，我d屎好似漿糊咁，一定要洗pat pat先乾淨，最後媽咪唯有嗌醒爸爸起身，一齊幫我洗白白，爸爸話人哋有個明星叫Eason，我哋屋企就有個屎神，救命呀！到咗下午，爸爸媽媽第一次餵我食糊仔，都幾好味。夜晚我哋就去咗酒店食自助餐提早慶祝情人節，媽咪想幫我換片，但係原來個度無地方俾我換片，所以媽咪逼於無奈係女厠門口的bb車內幫我換片，但好衰唔衰，原來我又痾屎，搞到媽咪手忙腳亂，話我一日兩次大大，有無搞錯。原本我哋今日都好開心，但係返到屋企媽咪發現唔見咗兩年前爸爸送俾佢情人節禮物---心型頸鏈，所以好唔開心，唔知係唔係食自助餐時唔小心俾我弄跌咗，希望唔係啦。