第一次發燒

大約12點半嘅時候，媽咪抱我時覺得個身有d熱，所以就幫我探熱，原來我發燒，所以媽媽就打電話去預約睇醫生，點知打咗4個兒科醫生都同樣係星期三下午休息，簡直火都嚟埋！所以媽咪就唯有俾我食先前健康院開嘅退燒藥，好彩都退咗燒。跟著爸爸無幾耐就放工返嚟，因為今日原本要去健康院打針，所以爸爸都一早請咗假，但因為我發燒，所以唔能夠打針，所以唯有改期，到時爸爸媽媽要返工，只好婆婆帶我去啦。後來爸爸媽媽帶咗我返婆婆屋企，點知我又開始發燒到38度，所以就帶咗我去婆婆屋企樓下嘅醫生到睇，佢話我無咳無鼻水，所以一係受過濾性病毒感染，一係出玫瑰疹，希望快d好番啦。不過爸爸媽媽同我睇醫生嘅時候，有以下嘅對話：
冬瓜爸：bb，你以後千祈唔好再係星期三病呀！
我心想：你估我想架
冬瓜媽：你又話bb每日一蘋果醫生遠離佢
冬瓜爸：你都無俾晒成個佢食，梗係病啦
我心想：咁係咪我以後可以食晒成個蘋果先