詐騙

我最唔鍾意就係飲水，所以我一見到媽咪攞住個透明奶樽時，我第一時間梗係大嗌，跟住仲用手撥開佢。爸爸見到咁樣，就叫媽媽不如算啦，唔好迫佢飲啦！爸爸真係好人。隔咗一陣，我見到爸爸攞住個碗同匙入嚟，我心諗爸爸對我真係好，梗係又俾香蕉或蘋果我食，真係開心死！但係爸爸餵我食嘅時候，我覺得味道怪怪地，都唔似香蕉同蘋果，不過無所謂，好味就得啦！當我食完之後，我就聽到爸爸講：「咪又係水！」原來我俾佢扼咗，我下次唔會咁容易上當。