榕樹灣海灘

又去玩玩囉！今日我哋同公公、婆婆、姨姨、姨丈仲有曉晴表姐去咗榕樹灣海灘玩同食海鮮，雖然我無落水但係都玩得好開心，眼見曉晴表姐可以玩沙沙我都想玩埋一份，可惜我隻腳仔有濕疹所以唔能夠掂d沙沙，希望快d好番就可以一齊玩。原本我哋都想去探 Etta姨姨，可惜媽媽打咗好多次電話俾佢都飛咗落留言信箱，後來先醒起佢好似去咗旅行未番，希望下次有機會再嚟探你同隻貓貓啦！