成身都係......

媽媽呢幾日都唔係幾舒服，所以佢放工返嚟同我沖涼之後，就抱住我係將床到玩，而婆婆就去沖涼，點知媽媽俾咗樽cream我玩就唔小心瞓著咗，你哋估吓發生乜嘢事？咪就係俾我亂打亂撞下開咗樽cream，媽咪發覺嘅時候我已經成手成腳都係，媽媽條褲同將床都係，好彩係我無食到落口，於是媽媽第一時間就大叫D姐姐幫手，但係佢見到之後就剩係叫咗一聲，同攞開樽cream加俾咗盒紙巾我哋，就無幫手下就咗去開爐煎雞翼〈唔知係咪平時慣咗七點要煮飯，佢要on time〉，好彩婆婆剛沖完涼，媽媽即刻一路幫我抹一路破口大罵D姐姐，婆婆梗係罵埋一分，媽媽嬲到震，一路罵到爸爸返嚟都繼續罵。不過我都唔幫你，我哋最需要你幫手嘅時候你竟然走咗去，真係俾你激死！不過我都要多謝你，如果唔係你轉移視線，可能俾罵嘅係我。