心痛

今日正當我係床到瞓緊覺，妹妹就同爸爸係床邊玩，突然一聲巨響，連瞓著咗嘅我都成個彈醒就知有幾大聲，隨之而來就梗係妹妹嘅嚎哭聲。原來妹妹玩緊時突然向後一瞓，成個後腦撞咗落窗框，跟住梗係起埋一個高樓，睇到真係超心痛。問爸爸點解會咁？佢就梗係話唔關佢事。好彩妹妹不嬲都唔長氣，好快就收咗聲。原來眼見妹妹整親，真係心痛到死，會問自己點解唔好好睇實佢，真係希望佢快d好番，亦係到希望匡庭妹妹快d好番，因為你隻手手真係傷得好嚴重喎。