婆婆成日都同我哋講話妹妹唔需要人陪識得自己係床仔到瞓覺，於是我哋呢幾晚咪試吓囉，點知無一次成功，佢可以係床仔自己瞓但就唔準我哋離開間房。後來同婆婆講開佢話佢講嘅係午睡時間，我哋諗吓又係，因為基本上由佢出世到依家夜晚都係我哋陪住佢瞓，呢個係佢嘅習慣又怎會輕易改變。於是我今日午睡時將佢放係床仔到，就同佢講媽媽依家出去一陣，你自己瞓住先，一陣再入嚟睇你，妹妹點頭示意後我就出咗去。過咗5分鐘我入去望佢，佢仲未瞓，於是我又重覆呢番說話又再出去。過多10分鐘我又入去，今之佢真係自己瞓著咗，妹妹你真係大個女，好叻叻叻
沒有留言:
發佈留言