第一次去圖書館

成日都話想帶妹妹去圖書館，每次都得個講字，今日終於都帶咗佢去圖書館。不過去將軍澳圖書館真係超級唔方便，因為又唔近地鐵站又無車可以到，唔計搭地鐵的時間由屋企行去都差不多要一個鐘(因為妹妹行得慢)，整段路超曬，所以回程時諗住搭的士又無的士，最後都係照原本方法回家，好彩妹妹都好厲害，係最後回程因為實在太攰先要我抱抱，如果唔係我一定攰死。不過去到圖書館，唔知係咪佢覺得好新奇，四周圍走走走，又不停將書架d書搬出搬入，完全唔係睇書。不過下次如果再帶佢嚟我諗我一定會選擇搭的士。