11個月大

我已經11個月大喇！原本我哋想去數碼港到行吓，點知去到銅鑼灣已經六點，仲加上等咗好耐都無小巴，所以我哋最後決定出戰維園。我哋去到發現原來有個奧運展覽，咁我哋咪諗住入去睇吓，點知我哋都未入去就已經俾d工作人員係到左搜右搜，仲連我飲嘅水都唔俾我帶入去，最後媽媽同佢理論咗一陣先俾我帶入去，真係激死！不過入到去都好開心因為我有一個小狗波波，但係爸爸就唔準我同馬馬影相，因為佢話好dirty。之後我哋就去咗一個 Uncle Sam 成日話入到去會令小朋友快樂滿瀉嘅地方，連其他人見到我玩得咁開心都話要買就知我玩得幾開心