媽媽今日心情都唔多好，朝早又開始抱住我喊，所以爸爸突然話要同我哋去海洋公園玩，等我哋開心吓。不過我哋入到去已經成點鐘，仲要係好熱，只係搭電梯上去都已經出晒汗，都未行媽媽就話要去有冷氣嘅餐廳到食嘢飲嘢，跟住我又瞓咗覺，所以我哋係餐廳到歎咗冷氣好耐先出去玩。不過唔知點解平日呢到都咁多人，搞到好鬼迫。我最鍾意就係去睇魚魚同水母，佢哋好得意。之後我哋趕過去睇盈盈同樂樂，好彩趕得切，因為我哋一探完佢哋，佢哋就要入去瞓覺。不過最可惜係我無得玩旋轉木馬，因為我已經攰到瞓咗覺，所以最後唯有媽媽抱住我一切玩。仲有就係媽媽臨走前買咗隻公仔俾我，佢話要買俾我陪我瞓覺喎
沒有留言:
發佈留言