大豐收

今日行程好緊密，我哋同婆婆飲完茶之後就去咗愉景灣。雖然我哋成三點幾四點先入到去，但係都非常之熱，搞到唔鍾意飲水嘅我都不停飲水。可能係平日嘅關係，好少人，所以我哋都行得好開心，行得好舒服。呢到環境好好，爸爸媽媽話如果佢哋退咗休都想搬入嚟住，唔知有冇我份呢？跟住我哋就同二姑媽係IFC食飯，佢買咗好多嘢俾我，我好開心呀！