睇皮膚科醫生

冬瓜媽：妹妹由6個月開始就受到濕疹困擾，睇見佢成日係到抓，抓到隻腳d摺位都損晒甚至流晒血，真係好心痛，覺得佢好辛苦好唔舒服，我哋試過用好多唔同方法去幫佢(去睇好多醫生、用好多唔同牌子嘅cream、唔用洗衣粉洗衫......)但好似都唔得，每次望到佢咁樣都覺得好心痛。更曾經試過一次係婆婆屋企到爸爸幫佢查cream 嘅時候，妹妹喊到七彩，我乜都唔理衝埋去抱住佢一齊喊，仲唔俾任何人掂佢，差d嚇親公公婆婆，依家先知道原來妹妹係我心中比一齊更重要，只要佢有小小唔舒服，我都會好緊張好擔心，依家真係感受到為人母親真係不易，真希望佢身上嘅濕疹可以快d好番。所以今日我哋就帶佢去睇皮膚科專科，諗住同佢做埋skin test，但係經醫生初步診斷覺得妹妹身上嘅濕疹應該唔係食物引起，所以依家可以唔需要做住，亦無需同佢轉奶粉，而醫生亦都教咗我哋一d方法希望真係可以幫到佢，請各位繼續為佢祈禱，希望佢快快甩好番
**身長：67cm