冬瓜媽：今日我又要去睇醫生所以我哋返咗婆婆屋企，原本都無乜嘢，妹妹同晴晴表姐一齊玩得好開心，點知當晴晴表姐食粥仔嘅時候，惡夢就開始嚟喇！我眼見晴晴唔肯坐定定食粥仔，於是我咪攞我手袋裡面個水樽俾佢玩，又ok喎！佢玩完一輪唔要，於是妹妹見到梗係攞嚟玩，晴晴見到妹妹玩又要搶返，兩個互不相讓，係到鬥鬧交，於是De姐姐入廚房攞個另一個一模一樣但係細size嘅樽俾佢哋，佢哋都要搶番完本個一個。最後婆婆再係廚房搵到一個一模一樣大細嘅水樽，但佢哋仍然繼續爭，最後梗係妹妹爭輸係到大喊，都唔知水樽有乜咁特別，係都要爭個一個，真係俾佢倆個激死
沒有留言:
發佈留言