多咗兩隻老鼠仔

冬瓜媽：妹妹今日已經退晒燒，不過全身就出晒d紅疹，而且今日無落雨所以就獨自一個帶佢去睇醫生。醫生話妹妹d紅疹過兩日就會退晒，而且喉嚨個粒泡都無咗，所以佢應該唔係感染腸病毒，可能係受過濾性病毒感染又或者係出玫瑰疹，其實佢係乜病都唔重要，只要佢無事就得喇。睇完醫生後，妹妹竟然唔肯坐bb車，Oh！我心諗今次慘喇，不過見到佢病到咁痛苦嘅表情，我又邊忍心放佢落bb車到，於是咪唯有左手抱住佢，右手推bb車，嘩！行唔夠一個街口，條腰已經痛到爆，想將佢放落bb車當然係唔得，想搭的士又無的士，Help me！心諗不如快快搭地鐵返屋企就算喇，我未入屋企就已經即刻大叫救命，一入屋就即刻叫婆婆抱住佢，真係痛到想喊，試問單手抱住一個大大冬瓜，仲要加埋架bb車，你都咪話唔辛苦