冬瓜媽：昨晚妹妹發高燒到104度，起初我哋以為佢可能前一晚又玩得攰所以發高燒，仲諗住食退燒藥加埋成晚同佢不停抹身佢會無事，點知佢成晚都無退燒仲仍然燒到103-104度，所以咪即刻帶佢去睇醫生。原來醫生話佢感染腸病毒，所以佢仲有排燒，另外佢口中已經長有水泡，所以佢會唔肯食嘢，因為好痛，醫生話佢今日都算好，都肯飲少少奶，但係如果佢明天真係痛到飲唔到奶(水泡會愈來愈多)咁就要同佢入醫院吊鹽水，加上無藥物可以幫到佢，只有食退燒藥可以令佢無咁辛苦。希望妹妹可以飲到奶，我好驚佢要入醫院因為對佢會好慘，佢只係一個bb，仍然需要我哋抱抱，希望佢會快d無事啦
沒有留言:
發佈留言